60. Pfälzischer Mundartdichterwettstreit
in Bockenheim an der Deutschen Weinstraße
Samstag, 20. Oktober 2012
Festzelt des Winzerfestes in Bockenheim
Nähere Informationen folgen noch
Informationen zum 59. Pfälzischen Mundartdichterwettstreit 2011
55 Autorinnen und Autoren hatten 91 Gedichte eingereicht, von denen die Fachjury zehn für die Endausscheidung am 15. Oktober ausgewählt hat. Die Einsender kommen aus allen Regionen der Pfalz sowie aus der Kurpfalz, der Saarpfalz sowie aus angrenzenden Regionen.
Private und Pfalzthemen waren auch in diesem Jahr wieder besonders beliebt, aber auch Zeitkritisches und Aktuelles fand Eingang in die Mundartgedichte der diesjährigen Einsender. Di e Auswahl der zehn Preisträger und ihrer Texte verspricht wie jedes Jahr ein spannendes Rennen um die begehrten drei „Treppchen“-Plätze: neben zwei "Neulingen" konkurrieren acht ehemalige Preisträger um den Sieg bei uns rem traditionellen Wettbewerb. Die verschiedenen regionalen und lokalen Färbungen in der Sprache, verschiedenste Themenwahl und unterschiedlichste Vortrags-Temperamente werden dafür sorgen, dass auch in diesem Jahr im Publikum sicherlich wieder angeregt über die Entscheidung der Jury diskutiert wird.
Wie seit längerem üblich, werden wieder die Plätze 1 bis 3 ausgezeichnet, die sieben übrigen Teilnehmerinnen und Teilnehmer erhalten Anerkennungspreise.
Ein Novum in diesem Jahr:
Erstmals zeichnet die Bockenheimer Jury einen Text aus, der beim Pfälzischen Mundartdichterwettstreit in Kuztown/Pennsylvania eingereicht wurde.
Die Jury
Joachim Franz, Germanist, Mannheim
Marliese Fuhrmann, Autorin, Kaiserslautern
Karl-Friedrich Geißler (Sprecher der Jury), Dozent, Landau
Prof. Dr. Beate Henn-Memmesheimer, Sprachwissenschaftlerin, Mutterstadt
Gertraud Ling, Oberstudienrätin, Mannheim
Michael Geib, Museumsleiter, Ramstein-Miesenbach
Karl Scherer, Historiker, Kaiserslautern
Dr. Michael Werner, Verlagsleiter, Ober-Olm
Ute Zimmermann, Lehrerin und Autorin, Schifferstadt
Dr. Rudolf Post, Sprachwissenschaftler
Geschäftsführung: Heike Benß, Bockenheim
Preis fer Neie
Statt des Nachwuchspreises verleiht die Jury auch in diesem Jahr den Preis fer Neie, also für den Text eines Neulings, der erstmals an diesem Wettbewerb teilgenommen hat.
Dr.-Wilhelm-Dautermann-Preis 2011
für eine mundartliterarische Neuerscheinung:
Titel: Pfälzisch in aller Welt
Mit Textbeispielen aus Siedlungsgebieten pfälzischer Auswanderer
ausgewählt von Günter Speyer
Herausgeber: Mundartverein Kaiserslautern e.V.
Zum Seitenanfang
Weitere Informationen und Terminabsprachen:
Heike Benß
Telefon: 0 63 59/94 64 10
E-Mail:
Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.
Karl-Friedrich Geißler
Telefon: 01 76/50 07 17 18
E-Mail:
Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.
Siegergedichte:
1. Platz: Manchmol
manchmol
sähn ich e zippelche
vun ämme gedicht
mirre uffem wääch liche,
e paar gedankesplerrer
d’ quääch nabschwimme,
schnapp ich
uffem wochemaijk
e paar wortfetze uff,
wu mich
uff e idee bringen
un manchmol
flarrert drauß vor meim fenschter
e wilddaub
vum goethepaijk driwwe uff,
loßt e Ferrer falle
un sch....wupp! fort esse!
Gerd Runck (Landau)
2. Platz Gehannsnaacht
E loolich Liftche winkt ’m noh,dem hääße Junidag,
’s huscht dorch de dunkle Gaarde,
’s sträächelt de Salbei un die Hortensie,
’s schwänzelt iwwer de Salat un die Bohne,
’s kitzelt mei Stern, mei Hals, mei blotte Ärm.
Jetzt pischbert’s dohinne mim Wald,
’s weckt winzewunzeliche Lichtelcher,
Sternefinkelcher, wo zwische Bääm un
Bisch erumher schwirren un schwewen
un de Waldelfe un Windgeischter
leichten iwwerm Danze.
Himmelschää is es do haus
heit in dere waarme Summernaacht.
Dobleiwe, mitdanze
deet ich gern
die ganz Naacht lang danze
mit dir.
Warscht du net grad alleweil
noch do?
Helga Schneider (Kaiserslautern)
3. Platz Summertheader
Schmurich die Luft.
Duschber vun jetzert uff glei.
Hinner Wolgewand bruddelt’s,
zuckt’s feirich allegebott.
Singvechel veschäächt,
nor e Frosch rewellert.
Schäle Migge, Schnoogeschwärm
gammere nohm rode Imbs.
Schwalwe uff Zack,
latze sich im Dieffluuch.
Alsemo drebbselt’s.
Nadur probt de Ufftritt.
Bibberich de Oochdem aangehall.
Was heit wohl gebott werd?
Net schunn widder Gewidder!
Vorhang uff memm Dunnerschlaach. Biehn frei!!!
Gebladders – Gekiwwels – Gerummbels – Gebollers –
weiß-glieriche Feile vun owwe noh unne – eriwwer – eniwwer –
mordsmäßich Spegdagel druff unn dewedder –
Gejomers vun Kinner – irchendwo e Sireen...
Fa mich reserveert –
de Looscheplatz owwe am Fenschder.
Ich häng in de Säle –
daddrich die Beejn, rammdeesich de Kopp
unn arich viel Schiss.
Kä Bock meh uff Drama.
Bloß kä da capo!
Mer langt’s.
Ich blos uff mei Abo,
mach dabber die Fladder,
kann’s gar net veknuse –
’s groß Summertheader.
Renate Demuth (Kaiserslautern)
Annerkennungspreise:
Durch’s Door
„Derf ich do nei?“
froocht sich mei Herz.
„Derf ich do durch?
Derf ich do nei,
unn derf ich se steere
im ewiche Schlof?“
’s alt Eisedoor quietscht
unn losst mich verschregge.
„Derf ich do nei?“
Paar u(n)sichre Schritt
unn schunn steh ich dränn
im fahl-griene Tempel
vun uralde Keschde
unn rissiche Bääm
mit fingriche Blärrer.
E Atzel kreischt leer.
Sießfauler Wind
vum Diggriewe-Agger
vermischt sich
mit moosichem G’schmagg
vun buggliche Stää,
roschtbrau(n) unn schwer.
Noch vorne gebiggt,
mool schebb uff de Seit,
im Borrem
schunn halwer versungke.
Schwarz-griener Ewwich
im leddriche Glanz
wuchert sich driwwer,
im Sandstää verkrallt.
Kannscht kaum ebbes sähne:
Do mol e Palmblatt,
e Rosett, mol en Stern,
zwää Leewe mit Krone,
mol seechnende Händ.
Kannscht kaum ebbes lese.
Mol Levi – mol Sara –
mol Joseph – mol Ruth.
Ahne unn Urahn
vun blasse Kolonne
im schlebbende Gang
durch e anneres Door.
Doch all iwwerall
iwwer Grääwer unn Kraut
en häämlicher Schei(n)
Er geht an mei Herz
unn planzt sich dort ei(n).
Vum Keschdebääm tropsen
verlorene Träne.
Unn dort fallt e Blatt
unn schaugkelt sich nabb
unn horcht
uff e ewiches Rufe.
Wilfried Berger (Lobsann)
Unn in schleschde Daa
Ehr Kinn, sinn schdill, s’werd guud ehr Kinn,
ER kann uns nix meeh duun.
S’war heegschde Zeid,
hann uns befreid.
Ich brauch jetzt Muud,
s’werd guud, s’werd guud.
Ehr Kinn, sinn schdill, s’werd guud ehr Kinn,
meer gehn nie meeh serigg.
Brauch jetzt viel Grafd,
was ER wohl machd?
Wie weh’s aa duud,
s’werd guud, s’werd guud.
Ehr Kinn, sinn schdill, s’werd guud ehr Kinn,
Es gehd em furschdbaar schleschd.
Er hat geschrieb,
er hat uns lieb,
unn hat geschwoor,
s’käm nie meeh vor, niemools meeh vor.
Ehr Kinn, ich will, ich meeschd, ich selld...
ich kann nett ohne IHN.
Sinn schdill, ehr Kinn, meer werre siehn,
gäbb ma viel Mieh,
unn irgendwie
werd’s gehn... Ich hoff, s’werd gehn.
Relinde Niederländer (Homburg-Beeden)
Geruggld
Nunnageruggld vum Hondduch
gewälzt iwwa de Ronze
houchgschdemmd uhne ins
Gras zu beiße, awwa uff die Zeeh.
Ennuna geloffe on de See,
die Badehous houch gezohe
un uf des Brett druffgebossld.
Oalauf genumme un voll die
Arschbomb wie sellesmol.
Weggeguckt hewwe se
die Englwaiwa un gegiggld
Was issa wia poinlisch de Oba
wonna soinere Neie imboniad.
Nunnageruggld ufs Handduch,
de Ronze in Reih gewälzt,
des Glitzan in doine Aache
un des Gewieha vun doim Lache.
Waiwa, isch sachs eisch
wonns die ned geeb....
Michael Bauer (Viernheim)
drick mich
drick mich, drick mich, feschd an dich,
fiehl mich so allää,
halt mich, halt mich, uhne dich
is die angscht so ferchderlich,
fiehl mich winzich klää.
kuschel, kuschel dich an mich,
schpier so gern dei haut,
wärm mich, wärm mich, uhne dich
bleibt nor doodeskelt fer mich,
hab mich nie getraut.
sträächel, Liewes, sträächel, dei
finger sin so zart,
sträächel weg die laschd aus blei,
taschd dich in mei dorne nei,
graul mein harde bart.
bischper, Liewes, bischper doch,
werder in mei ohr,
saach mer, ja, ich lieb dich noch,
hol mich aus meim dunkle loch,
seh kä dier kä door.
sing mer, Liewes, sing mer laut
froh dei lieblingslied,
s’is fer mich e himmelskraut,
welt, mei welt mich hellisch graut,
rose sin verblieht.
schockel leicht, ach, schockel mich,
bis ich schloof ganz feschd,
bis ich drääm, du heiratscht mich
un ich bau e neschd fer dich,
fer dich, die allerbeschd.
geb ich, Liewes, geb am end
dir mein ledschde kuss,
hett dich frieher gern gekennt,
saach der dankschää, halt dei händ,
bis ich gehe muss.
drick mer, Liewes, drick mer du,
is mei zeit vorbei,
drick mer samft mei aache zu,
bin doodkrank, hab ball mei ruh,
bin dann endlich frei.
grein net, Liewes, frää dich dann,
grein kä trääne määh,
warschd mei fraa un ich dein mann,
un s’ledschd, was ich der winsche kann,
bleib mer net allää.
Matthias Zech (Speyer)
Ich war gern do (Publikumspreis)
’s ess kaum se glaawe, awer wohr,
jetzt werr ich neineachtzich Johr
un denk, ’s wär langsam an de Zeit:
Schlaa’s Buch zu, lee de Stift beiseit.
Doch muss ich ehrlich saa, ’s war schee,
serick kammer die Zeit net dreh!
Mit Herz un Seel war ich debei
bei meiner Mundartdichterei!
Ich hun de Leit uff’s Maul geguckt,
hun oft geschennt un uffgemuckt,
ich hun gelacht un aach gegreint,
manch Dräne mimme Kuss veeint.
Aach unserm Pälzer Land am Rhaij
war ich enn meine Reime trei
un Glick un Pech hun ich gewo,
bei Fraad un Laad Bilanz gezo.
Ich hun die Leit zum Lache brung,
so manches Loblied froh gesung,
hun Spinner mit Humor belacht
un Sindebeck zur Schneck gemacht.
Aach triewe Zeire, Elend, Not,
de Deiwel, Dunnerkeil un Dood
warn Pate fer so manch Geschicht,
sein aussem Dunkel kumm ans Licht.
Oft war die Liewe Middelpunkt,
warum aach net, wass hot’s gefunkt.
Doch liewe Leit, ’ch will ehrlich sei,
geschmeckt hot aach de Pälzer Waij!
Wass hot uns der mit Weck un Worscht
gestillt de allergreeschte Dorscht,
do hot mer sich gedunkt die Schnut,
mei Gott, war dess so herzhaft gut!
Jetzt muss ich geh, sein ald un gro,
doch glaawen meer: Ich war gern do!
Muss saa, ’s duht aach e bissche weh.
Hun allminanner Dank! Adschee!
Johann Friedrich Dexheimer (Oberwiesen)
Barwradaach
Es gratzt un scherrt drauß uff de Strooß
– des piegst jo in de Ohre,
was is dann doo schun wirrer los?
Am Fenschder wern mei Aache groß:
‘S hott gschneit un es hott gfrohre.
De Nochber macht sei Weechel frei,
scheppt Schnee un duud dann kehre.
Sein glääner Hund springt rum debei.
Aijo, so fleißich mißt ma sei ...
Doch sunschd is nix se heere.
Ganz hungrich huppst en Buuchfink her,
direkt bis unners Fenschder:
„Es duud ma lääd, mei Dasch is leer,
ich hab kä Kernel un kä Beer.“ –
... Ich redd schunn mit Gespenschder.
Im Gaade steht wie uffmaschiert
de Roosekohl allää;
un jeder Storze is vaziert
(in Reih un Glied), wie’s ihm gebiehrt,
mit ännre Pickelhaub vun Schnee.
Die Felder uff de anner Seit
sähn aus wie frisch gemachde Bedde.
Nix uff dem Bedd-Duuch weit un breit!
E Eichhorn bloß vasuucht beizeit
e Nuss im Schnee se rette.
Die Kinner holen d’Schleere raus
un schmeissen Schneebäll munner.
De Pitsche stappst mi’m Peiffer-Klaus
dort uff den Hewwel hinnerm Haus
un rourelt jouhlend runner.
En Schneemann is ach glei gemacht.
Ich duu de Kinner wingge.
Sell weißer Wicht in seinre Bracht
hott mir schunn ledschtjohr zugelacht,
der mit seim gääle Riewe-Zingge.
Die Krabbe kreischen: „‘S Johr geht aus!
Krikraa, ball isses rum!“
Ich glaab’s ... mei Blick geht weit enaus,
ziecht iwwer Gaade, Felder, Haus ...
De Nochber nickt mer norre stumm.
Zum Weihnachtsmarkt mi’m Gliehweiduft
Deed ich jetzt gärn mol bummle.
‘S isch klaar, un Schnee lichd in de Luft.
Ma määnt, de Belzeniggel ruft:
„Es Chrischdkinn muss sich dummle!“
Frank Wittmer (Mainz)
Kobbstand
Wanner de Klää,
soi Herzbleddel,
ins Bett bringt,
kummder oft selwer
ins Drääme.
War er aa mol so en Liewe?
Hot ihn de Vadder aa als
ins Bett gebrocht?
Hodder’m gar
e Schloflied gsunge?
Soi Gedanke dormeln dann
dorch de Newwel
vun Erinnerunge,
guude un schlechde, bis se
klare Kondure grien.
Nää, es fallt em kää Lied
vum Babbe oi, iwwerhaupt kääns.
Blooß anneres. Ernschdes:
„Wannd’ was machscht,
machs richdich!“
„Lern! Schaff was!“
„Mit schlechde Noode
brauchscht gar net häämkumme!
Mit schlechde Freunde aa net.
Sunscht werd des nix.“
Kää lessiche Klamodde.
Owwerschul, Studjum, Karrier.
Aggeraat wie de Babbe.
Biggelfalt un weißes Hemm.
Awwer nie en echde Freund.
Dann die Gabi! - - -
Ääfach uff de Kobb g’stellt
hot se soi Lewe. Un seitdem laafder
dorch die Welt – nää, schwebt –
im Kobbstand.
Grad schlingt soin Aa’abbel widder
die Ärmcher um soin Hals
un driggt ... un driggt ...
Er muss schlugge –
un e Trän ve’drigge.
So
weerer vun soim Vadder
aa gern gedriggt worre.
Sellemols.
Wennigschdens äämol.
Hanns Stark (Bobenheim-Roxheim)
Preis fer Neie:
Mimm Glään uffem Schbielbladds
Dreiräädsche duddelle,
Wasser suddelle,
laudhals meggere,
sisch mid Eis vergleggere,
luschdisch singe,
freelisch iwwers Briggelsche schbringe.
Mid Sand e Kuche bagge,
laudhals driwwer lache.
Besonnerschd iwwerzwersch,
mimm Räädsche iwwer de Bersch.
Schnell enuff, uff die Ruddsch,
unsanfd lande, Gläädsche fuddsch.
Dann e Breddsel esse,
unn die Zeid vergesse.
Was fier e scheener Daach,
es Glään mennd dass aach.
Gerdi Karp (St. Ingbert)